BEYESA HUBENIL TA BAI REPRESENTA KORSOU DEN MISS CARAÏBES HIBISCUS

Willemstad, Curaçao – E hobensita 18 aña Ruënna Mercelina, lo representá nos pais Kòrsou den e sertámen di Miss Caraïbes Hibiscus 2010-2011.

Miss Caraïbes Hibiscus ta un sertámen anual di beyesa pa tur pais di Karibe i di kontinente America, nan a funda e sertámen na 1990 den parti franses di St. Martin.

E di 20 edishon di Miss Caraïbes Hibiscus lo tuma lugá for di Novèmber 25 te ku Desèmber 6, 2010 i e final lo ta dia Desèmber 4, 2010 riba e isla di St. Martin, na Convention Center, Sonesta Maho Beach Resort.

Mas ku 22 kandidata for di Venezuela, St.Lucia, St.Kitts, Pto.Rico, Trinidad & Tobago, Colombia, Virgin Islands, Bahamas, Jamaica i mas lo kompetí ku nos Ruënna Mercelina pa e korona di Miss Caraïbes Hibiscus 2010. aña pasa Yoly Hawley di St. Martin a gana e sertámen, kaminda komo ganadó e la sirbi e komo “spokesperson” di Karibe den su aña i biaha den e region Karibense, Europeo, Afrikano i na Merka propagá Karibe.

Na aña 2009, Curaçao a marka historia den e sertámen aki di Miss Caraïbes Hibiscus ora ku Miss Caraïbes Hibiscus 2008, Laurien Angelista a korona Miss Caraïbes Hibiscus 2009, Angenie Simon ámbos di nos pais. I te dia di awe nan so ta e úniko damitanan di Kòrsou ku a gana e sertámen, i alabes e úniko ku a hasi un “back to back” di e pais ganadó. Na 2007 Clarissa Alberg a skor ku e titulo di Primera Finalista.

.

Ruënna Mercelina su selekshon a ser tuma n’e nivel ehekutivo di e sertámen, serka sr. Patrick Eugene en persona, riba un vakashon na St. Maarten. Ku a pone ku WENSHOW a kumpra e lisensia aktual pe sertámen aki.

WENSHOW ta sirbi komo agente di entretenimentu, produktor for di su lansamentu den temporada di Karnaval, kaminda a konkista e titulo máksimo di e 40 korona di Reina Karnaval ku Vijanti Persad, i promé finalista Rei i Reina Tiner, Prens i Pancho Talento i Mihó Spich.

Tambe komo último agente di Eline de Pool (promé Finalista Miss Teenager Universe), i Norayla Fransisco (Miss Earth Curaçao), i e telenovela di Endemol “Ki bo ke Men”.

Ruënna Mercelina su preparashon a pasa den bou di guia i direkshon di su ruman hòmber Gwendell Mercelina, ku a sòru pa e tim di Padrino Couture (Juan Carlos Padrino Rondon), Yendor’s Art (Rodric Aniceto), sr. Norman de Palm,  SP Photography (Seymour Pijpers), SevenMedia (Stevan Llewellyn), Angenie Simon, Laurien Angelista, Breo el Kisquenano & Jesse, Thessa Fleming, Model Experience (Theo Meijer & Norayla Francisco), Heart-Beat, Aubrey America i Samuel Pantaleon. Ku sosten di We Lead Foundation, Teatro Luna Blou, La Tentashon, Dolfijn FM, Perla del Mar, Steak & Ribs, Caribbean Filmcom, Mijn Zaak, Mirugia Ignecia di Herensia Kultural ku a sòru pa su Trahe Nashonal.

Ruënna Mercelina a nase dia 18 di Yanüari 1992. E la bai e skolnan Johan van Walbeeck School I Albert Schweitzer College, kaminda ku e la kuminsá ku su karera komo modelo I aktris.

E la ser deskubrí dor di e agensia di modelo di Sra. Emilka Eustachia – A2Z Models, despues el a bai I partisipá den e sertámen di Miss Curaçao Teenager, despues el a ehersé e trabou di trainer di pasarela na Model Image di Mr. Aubrey America, te dia di awe e ta e partisipante ku a konkista mas titulo durante e periodo komo un damita hubenil entre otro Miss Kitatin, Miss Caribbean Talented Teen, Miss Ecstasy International, Miss College òf the Dutch Caribbean, promé Finalista Reina Tiner, WE LEAD Youth Ambassador i a modelá den diferente show I propaganda.

Ruënna ta konosí bou di e nòmber di kariño di “Suku” un mucha muhé yen di energia I dinámiko. Aktualmente studiando na College òf the Dutch Caribbean hasiendo Marketing & Public Relations.

último el a aktua komo Jeritza e periodista den e último obra teatral di Eligio Melfor.

I aktualmente e ta den e trailer di e telenovela di Endemol komo un protagonista.

Komo embahador di beyesa e ke sirbi komo role model pa inspirá otro hóbennan di nos pais pero tambe rònt mundu. P’esei e ta ehersé e trabou den e fundashon aktual di WE LEAD Foundation komo embahador di e Direktornan.

Su role model nan ta Tyra Banks, I Annemarie Braafheid (Miss Curaçao 1968 I a promé kandidata di kolo ku a konkista e posishon di first runner up den Miss Universe kòntèst).