“A petishon Kor Guadalupana ta ripiti oudishon”

Willemstad – A petishon Kor Guadalupana ta duna tur hende, tantu hòmber komo muhé entre edat di 23 pa 50 aña e oportunidat un bes mas.
Aña pasa den luna di desèmber a tene un oudishon ku a kapta atenshon di vários persona den nos komunidat, ku a pidi Kor Guadalupana pa ripití esaki pa tur sobra ku tin gana di forma parti di e Kor  katóliko romano ku tin komo meta pa kada kansion ku nan kanta por ta un aporte pa un komunidat felis.

Djadumingu aki 16 yanüari tur interesá por bini na Teatro Luna Blou entre 10or di mainta (10.00) pa 1or di mèrdia (13.00).

Tur ku tin smak pa kanta i ta dispuesto pa sigui un programa pa kanto riba nivel haltu por partisipá.Bin mustra nos bo talento i abilidatnan den kanto i abo lo por kalifiká pa bira miembro di Kor Guadalupana.
Invitashon ta habri pa un i tur, invitá bo amigu i konosínan pa bin pasa un ratu ameno i konosé Kor Guadalupana su integrantenan, alabes demostrá bo talento.

Pa mas informashon por yama 510-6808 sr. Gibi Gruning
Of “Like”e página riba facebook: www.facebook.com/korguadalupana
I sigi nos kansionnan ku lo publiká tiki tiki pa entretené nos públiko.