Hemansipadó di Pueblo… Hemayel Martina

Kon mi kuminsá na dirigí mi mes na bo hermano,

Mi kompatriota, bròder, kamarada..

 

Ba kompartí i ba biba amor.
Si ba lagami ku un inmenso doló.

Abo ku ta Kòrsou…

Kaminda bo ku tin e lugá spesial den kada un rondó di bo su mundu.

Ba lagami ku un tesoro no revelá, te ora pensamentu i akshonnan di nos no transformá.

Abo ta palabra di bon guia, ku a lagami meskos ku un mucha chikí ku a wòrdu bandoná.

Awor ami ta sklama i invoká abo Ansestro Preokupá pa eskolta i yuda nos emansipá – sin odio ni vengansa ma ku amor – ya e presiosidat di hoya aki por resaltá i mundu henter skucha ora kriaturanan dje paraiso aki ku orguyo grita: “Ami ta Kòrsou.”

Mayo, bo nunka tabata hasi nada mitar mitar.
Semper bo ta hasié kompletu.

Ma pidibu, i ma risibí bo kontesta.
Bo no a laga duda atras, si ba mustra ku bo tei.

I ku bo lo keda stima.

 

Sin pensa, kon mi ta yamabu Hemansipashon o Hemansipado di Pueblo.

Sabiendo ku esei semper ta loke nos ta papia riba dje, pa laga nos tin un pueblo emansipá.

Kaminda nos por kibra e barera di e mentalidat ku tabú di nos kultura.

Min ta lubidá nos skype di kuater ora largu pa diskutí i interkambiá e diskurso di Dr. Rene Rosalia ku a kousa tantu konmoshon.

 

Kon mi por maginá ku e ruman ku un dia, mi tabata bai buska na su wela na Brievengat .. sinta oranan riba kaminda sin destinashon ta kombersá di tur un poko.

Paso nos si ta komprondé otro.

Manera semper mi ta bisabu bo sa, mi tin trust issues bo sa bròder.. but I know I can trust you, and I still do. But I miss you though. Everyone does.
But still life is wonderful because you gave your best shot out of it.

Awor nos tin ku djis ta “strong” i “hold on” pa sigui biba i kompartí amor hasiendo parti di bo legacy.

 

 

P’ami a buska i haña kontesta ma pidibu yudami.

I ba mustrami p’ami por chek bek riba tur loke nos a kompartí ku otro.

Momentunan ku nos di nos laso di ruman, ku a ponemi kòrda.

Kon ma konosé mi yave kulto, talentoso i úniko.

Den e debate ku nos a organisá na 2005 pa Hóben Goberná, pero tur e mesa rondonan pa diskutí di struktura estatal di tur e islanan den Antia. Kaminda nos a bira bon ku Aldrich Kelly, ken kada bes ku mi ta bai Aruba bo ta bisami manda un saludo p’abo.

 

Djei nos a keda topa otro na Arte di Palabra, despues den Hóben na Palabra na Radio Direct ku Juff. Vivienne Daflaar ku semper a duna nos e oportunidat di nos a kondusí ku otro sigur 3 biaha.

I e kaminda ku nos a marka un bònt ta den Debate di selebrashon 60 aniversario di RNW.
Kaminda nos a atmirá e gran persona di un ruman grandi i filósofo Clark Abraham, ku luego nos a enkaminá e proseso pa bai kuminsá ku un fundashon pa e hóbennan dje debate sigui traha riba dje.
I bo a bisa:

“At this point I’m not the right man for any of these types

of jobs but together we are the right man for this and every

other job.

“Union is one of the bases of the autonomous mentality”.

Sinseramente,

Hemayel

P.S. E kuminda tabata bon, pero min ta kòrda kiko e tabata paso

boso mes sa, e kòmbersashonnan tabata muchu mas dushi.”

 

Òf bo a bisa:

Loke mi ke ilustrá ta e karakterisá di liderato, kual sin duda algun mi ta haña ku Gwendell a

mustra un krenchi di dje. Pero si ami tabata mes interesá ku Gwendell kual awoki mi no ta mas, (no paso di prioridat pero paso di hende I awoki mi a realisá mi falta di eksperensia, paso Clark a bisa mi: “Hemayel bai trankil awoki bo tin hopi spit…”) lo mi a tuma inisiativa.

I hasi lo siguiente:

1) Wak kiko nos ke. 2) Unda nos ta.  3) Dikon nos no a logr’é   4)Kon nos ta bai logr’é.

 

Papa bo tabata “both a speaker of words and a doer of deeds.”

Bo mensahenan ku bo ta laga atras ta asina kardinal ku niun hende por a pensa ku e hóben di e edat ku bo tin, por pensa òf trese tipo di argumentunan manera abo tabata trese nan dilanti.

Semper respetuoso, semper visionario, semper determiná.

Temporada di Desèmber semper bo tabata sa ku ta un luna ku mi ta drùk drùk, mi mama su luna i abo ta bisami semper bai rustig. Òf bo ta belmi puntrami unda mi ta pa nos a topa, anto nos a pasa prèt, hari i gosa. I papia di tur e chicksnan, i ki spesial tin den kada un di nan.

Ki te diferensha di un dama madurá of un hóben hahahahaha…

Un desèmber ku hamas lo mi lubidá ta dia bo ta ke konosé Lusy (mi miho amiga by then), i bo a belmi pa bini serka mi padrino kaminda nos tabata pa konosé, anto kon ba bin hasi wega i dunami e terapia di bida. Huntu e dia ei nos tabata Duwayne, Johnny, i Darwin.

Un memoria ku nunka lo mi lubidá, i ku semper lo mi karga kubo den mi kurason ruman.

Momentunan manera:

“Gwendell Mercelina…mi ta kontentu ku bo a buska mi drechi mi yave. Mi ta ok…otro siman mi ta na Kòrsou…mi èksamen a bai bon mi bròder, kon ta ku bo tèntamen nan?

 

…bo mes sa saka kara di e señora ku a traha duru pa lanta bu manera bo ta mi bròder…keep on with the good work.”

Bo semper ta preokupá, i tambe balorá tur rondó di bo.

Mustra un gran apresio i amor na bo famia.
Bo Reina di Reinanan bo señora mama, i bo Diosa di Diosanan bo wela.
Bo tata i bo tantanan ku semper bai ora mi topa min por keda sin puntra p’abo.

Awor mi sa si, ku djariba abo i tur ansestro lo kuida nos ku ta riba e pida baranka aki.

Abo tabata mi inspirashon i konsehero den hopi manera,

P’esei bo buki no a toka un so, pero bo buki a toka tur i aun mas.

Mi ta asina kontentu ku nos a bai i logra hasi pa Suku mi ruman kumpra bo bukinan i komparti bo mensahe durante di su etapa na Miss Caraibes Hibiscus.
Esei ta un konsuelo imenso, lesa bo obra i arte. Paso semper bo ta biba den nos.

I pa a komparti bo palabranan ku mas persona riba mundu ta hasi nos sinti ku nos ta bon, sabiendo ku durante di Suku su trip, tur dia bo ta skype mi puntrami kon ta bai.

Papa nunka mi lo lubida, kon abo ta konsehami den mi stapnan ku mi mester tuma durante mi etapa di Presidente di Parlamentu Hubenil. I ku danki na bo push, mi a zet door pa bai Surinam. Kaminda ba hinkami den kontakto ku Remy Belliot pa mi por a bai i konkretisa e “exchange-program” entre e dos paisnan. Ku for di e eksperensia ei mi bida a kohe hopi turno positivo.

P’esei dia mi a inaugura i start ku WE LEAD Foundation mi mester a brinda tributo na abo mi amigu. Sin sa ni imagina.. pero pabo tambe sabi ku mi stimabu hopi.

 

 

 

Bo a bisami den augustus 2010 ei:

“Kerido Hermano i kompatriota,

 

Kon kos ta bisa Gwendell? Mi ta spera e mail aki risibi bu den bon salu i felisdat mi amigu.

 

Danki pa e tribute riba facebook, mi a apresie pero e palabra tabata di inspirashon pa’mi. Thanks.

 

Nos tin hopi kos di papia.

 

Pronto mi ta na Korsou i nos tin di sinkronisa nos ideanan i posibel projektonan pa den Oktober.

Un kolekshon di poesia di mi kaminda mi ta kuestiona kos den sosiedat ta wordu publika i

mas ku sigur lo mi ke pa bo forma parti dje luanching. Ta bini despues.

 

In the mean time Gwnendell mi ta bezig ta hinkando un video-shoot pa traha un short clip

di e poesianan. Den e kuadro ei mi ker a pidi bu pa pone mi den kontakto ku N. Van Putten i Levi Silvanie.

 

 

Mi ta spera tur kos ta sigui bon ku bo mi yave i tur kos bo ku projektonan.

 

Bendishon,

Hemayel”

 

Mirando atras awor ki “amazing” efekto dia 5 di September 2010 a hasi riba bo bida, i bo ruta ku bo enkaminá.

Mi ta gradesí na abo Hemayel, ku bo a emansipá ami, pa ta ken ami ta awe.

Inmensamente doló a hasimi, ku mi no por a despedí dibo.

Ku ba invitami i bisami: “Sin falta ha?”

I ma keda sin topa kubo e biahe sorpresivo ku bo a hasi aki.

Ba bel i bisa “SURRRRRRPRISSSSSSSEEE”.

I alfinal pa sorpresa nos tur.

Pero bo ta simplemente maestral hermano, no tin palabra pa deskribí bo amor.

 

Danki pa stima nos kada un sin distinshon di nada.

Pa protehá i guia nos kada un.

Danki Hemayel.
Min’sa ki tur mas mi por skirbi, pero mi mester a baha tur kos for di mi kurason.
Mi stimabu hopi,

Kuida riba nos ku ta aki. Lusa nos kaminda, i siguí mustra nos e ruta di realidat korekto.

Danki pa hasimi parti di bo, i tur otro ku bo a laga awor ami por forma parti di dje.

 

Hemayel,

Bo palabranan lo keda graba den kada nachi di bo pais.

Ansestronan ya no ta preokupá, paso ba kontra nan.

Mi no sa ki mas mi bisa, sa mi sa..

Ku hamas nos lo no ta bandoná, paso abo ku t’aya lo kuida nos ruta di realidat.

‎”Avochinan preokupa mi ta invoka boso pa eskolta i yuda nos emansipa – sin odio ni vengansa ma ku amor – ya e presiosidat di hoya aki por resalta i mundu henter skucha ora kriaturanan dje paraiso aki ku orguyo grita: Ami ta Korsou.” – Hemayel Martina

Registro di kondolensia: www.hemayelmartina.com